4 persona janë arrestuar në kuadër të operacionit antidrogë të koduar ‘Restart’ në Korçë, që ka nisur prej shumë muajsh dhe synon goditjen e grupeve kriminale që shfrytëzojnë kufirin e gjelbër për trafik. Në rastin e fundit janë sekuestruar 72 kilogramë kanabis. Në pranga kanë rënë vëllezërit Klaudio dhe Bardhi Sino, Blerim Karameta dhe Igli Cangëtari. Policia në bazë të informacioneve se 4 të arrestuarit do të transportonin një sasi droge, ndaluan dhe kontrolluan mjetin tip "Mercedes-Benz", në afërsi të hyrjes së fshatit Miras të Devollit, me drejtues Klaudio Sinën.
Gjatë kontrollit të ushtruar në automjet u gjetën dhe u sekuestruan në cilësinë e provës materiale 65 pako, me peshë totale 69 kg lëndë e dyshuar narkotike kanabis.
Gjithashtu gjatë kontrollit të ushtruar në banesën e 35-vjeçarit, iu gjetën e sekuestruan edhe 3 kg të tjera lëndë e dyshuar narkotike kanabis dhe një sasi municioni luftarak. Nga veprimet e mëtejshme hetimore, rezultoi se bashkëpunëtorë në këtë aktivitet kriminal, janë edhe shtetasit Bardhi Sino, Blerim Karameta, dhe Igli Cangëtari. Kjo është faza e gjashtë e operacionit policor të koduar "Restart", nisur pesë muaj më parë.
Sakaq ka shkuar në 16 numri i të ndaluarve si dhe është sekuestruar 445, 5 kilogramë lëndë narkotike kanabis, në kuadër të këtij operacioni për goditjen e një grupi kriminal në fushën e trafikimit të lëndëve narkotike në drejtim të shtetit grek, shpërndarjes së lëndëve narkotike dhe armëmbajtjes pa leje.
Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.
Për më shumë vizitoni: [ Ссылка ]
Subscribe to "Top Channel" on YouTube Channel for NEWS and TV
Shows HERE: [ Ссылка ]
For more content from click HERE: www.top-channel.tv
Like Top Channel on Facebook HERE: [ Ссылка ]
Follow Top Channel on Instagram HERE: [ Ссылка ]
Follow Top Channel on Twitter HERE: [ Ссылка ]
#Korçë#Policia#TopChannel
