Цæгат Ирыстоны зындгонд скульптор, УФ-йы сгуыхт нывгæнæн Дзбойты Михал ацы аз бæрæг кæны йæ 80 азы юбилей. Йæ кадæн национ библиотекæйы уыд бæрæгбоны изæр.
Юбилярæн раарфæ кæнынмæ æрбацыдысты республикæйы нывгæнджыты цæдисы уæнгтæ, педагогтæ, йе мкусджытæ, æмбæлттæ, йæ бирæ ахуырдзаутæ æмæ аивадуарзджытæ. Сфæлдыстадон фембæлд се ппæты зæрдæмæ дæр фæцыд. Музыкалон къордтæ æмæ ансамбльтæ саив кодтой изæр. Æрбацæуджытæ уæлдай æхсызгонæй бакастысты нывгæнæджы скульптурæтæм. Се хсæн ныртæккæ кæуыл кусы, стæй ивгъуыд азты кæй сарæзта, уыдон.
Уæвгæ, Дзбойты Михалы куыстытæ зонынц иннæ регионты æмæ бæстæты дæр. Республикæйы цæрджытæн æмæ уазджытæн уæлдай уарзон сты Æфсатийы скульптурæ, цæнгæт хиды æфсæн фыранктæ, Хъарман-Сындзыхъæуы Къостайы цыртдзæвæн. Аивадуарзджытæ æмæ аивадиртасджытæ иузæрдион сты - Дзбойты Михал у æгæрон курдиаты хицау. Адæмон нывгæнæджы ном хуымæтæджы нæ хæссы. Æцæгæйдæр, у адæмæн зонгæ æмæ уарзон.
_
Мы рядом в:
vk.com/irystontv
instagram.com/irystontv
youtube.com/irystontv
twitter.com/irystontv
Ещё видео!