Partia Socialiste është e qartë. Për të procedurat e zgjedhjes së presidentit të ri, duhet të nisin në maj, sikurse e përcakton ligji dhe pikërisht për këtë ka caktuar emrat për të nisur negociatat me opozitën.
Taulant Balla, së bashku me sekretarin e përgjithshëm, Damian Gjiknuri dhe ministren e shtetit për marrëdhëniet me parlamentin, Elisa Spiropali, janë tre emrat e mandatuar si negociatorët e mazhorancë për kandidaturat e kreut të ri të shtetit, teksa nuk dihet se me cilin prej kampeve të demokratëve do të ulen në negociata.
Kushtetuta parashikon, në nenin 88 të saj, se procedura për zgjedhjen e Presidentit të ri duhet të fillojë jo më vonë se 60 ditë para mbarimit të mandatit presidencial të Ilir Metës. Pra kuadri ligjor parashikon se procedurat për zgjedhjen e presidentit të ri duhet të fillojnë jo më larg se 24 maji i këtij viti.
Kandidati për President i propozohet Kuvendit nga një grup prej jo më pak se 20 deputetësh. Presidenti i Republikës zgjidhet me votim të fshehtë dhe pa debat nga Kuvendi, duke kryer makimalisht pesë raunde votimi. Votimi i parë zhvillohet jo më vonë se shtatë ditë nga fillimi i procedurës për zgjedhjen e Presidentit. Secili nga votimet e tjera zhvillohet jo më vonë se shtatë ditë nga përfundimi pa sukses i votimit pararendës.
Në votimin e dytë, të tretë dhe të katërt mund të paraqiten kandidatë të rinj. Kandidati fitues duhet të sigurojë jo më pak se tri të pestat e votave të të gjithë anëtarëve të Kuvendit. Ndërkohë në votimin e katërt dhe të pestë zgjidhet President kandidati që siguron më shumë se gjysmën e votave të të gjithë anëtarëve të Kuvendit.
Votimi i pestë zhvillohet kur në votimin e katërt asnjë kandidat nuk ka siguruar shumicën e kërkuar të votave. Ky votim zhvillohet vetëm midis dy kandidatëve që kanë marrë më shumë vota në votimin e katërt. Në rast se ka më shumë se dy kandidate me të njëjtin numër votash, kandidati që merr pjesë në votim caktohet me short.
Në rast se edhe pas raundit të pestë asnjë kandidat nuk siguron shumicën e kërkuar, ose kur pas votimit të katërt pa sukses nuk paraqitet asnjë kandidaturë e re, Kuvendi shpërndahet. Zgjedhjet e reja zhvillohen brenda 45 ditëve nga shpërndarja e tij. Kuvendi pasardhës e zgjedh Presidentin e Republikës me shumicën e të gjithë anëtarëve të tij.


Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.

Për më shumë vizitoni: [ Ссылка ]

Subscribe to "Top Channel" on YouTube Channel for NEWS and TV
Shows HERE: [ Ссылка ]
For more content from click HERE: www.top-channel.tv
Like Top Channel on Facebook HERE: [ Ссылка ]
Follow Top Channel on Instagram HERE: [ Ссылка ]
Follow Top Channel on Twitter HERE: [ Ссылка ]
#Propozimi#Presidenti#TopChannel

свернуть