@ashrafismail6545
@ashrafismail342
@ashrafismail6676
كله يخلي باله من السماسرة عشان عدد الملاك إللي بيبيعوا بأسعار قليله قلوا جدا جدا وطبعاً ده بعد حملة التوعية إللي عملناها فالسماسرة شغالين اليومين دول علي نغمات كتيرررر مش نغمه واحده وعاملين اكونتات جديده داخلين بيها على انهم ملاك . ومن أهم نغماتهم
هي فين الأرض ديه أحنا زهقنا
الجهاز عايز يبيعلنا الأرض مرتين
ده الجهاز عايز يدفعنا تكملة الدفعه الأولي
ده الجهاز عامل الأقساط على 3 سنين هنجيب منين
أنا عندي قطعه تخصيص المتر على 2500
هو أحنا لسه شوفنا أرض ولا حتي شكلنا هنشوفها
ده عندك 100 ألف واحد عايز يبيع والمعروض كتير
ده لسه المشتري هيدفع التقنين والتنازل والأرض متسواش اكتر من كده
وتعليقات كلها بيروجوها ليكم عشان الملاك يجيلها إحباط وتبيع
طب مادام الأرض كتيررررر وعلى قفا مين يشيل وبلاش أنت بقي شاغل نفسك ليه بينا مش هي صحراء والجهاز هيقعدنا كمان عشرين سنه . أحنا بقي راضين وعلى قلبنا زي العسل وهنجيب معيز وبقر وحمير وفراخ وهنربيها في الأرض و هنجيب بيض نعام ونأجر ديناصورات ترقد عليه بس مش وضع يد 😂 هيبقى وضع بيض عارف البيض 🤣
يا أهل الخير أهل العبور الجديدة اوعوا السماسرة تلف عليكم بقرشين والله أرضكم مميزة جدآ جدآ والبايع بأسعار بعض لصوص الأرضي هيندم ندم شديد انتوا صبرتوا 15 و 20 سنه ماجتش على سنه ولا اتنين كمان
شارك حد يقننلك الأرض . مساحتك صغيرة ضم مع غيرك لكن متفرطش في صبر سنين وييجي شوية لصوص يكسبوا من وراك ملايين إلا من رحم ربي
الاربعاء 4/12/2024
اشرف اسماعيل عبدالمنعم
Ashraf Ismael

свернуть