#edirama #Steinmeier
Kryeministri Edi Rama ka pritur në Kryeministri Presidentin e Republikës Federale të Gjermanisë, Frank-Walter Steinmeier. Përmes një postimi në Facebook, Kryeministri Rama ka shkruar se ka qenë kënaqësi e posaçme vizita ditën e sotme e e Presidentit të Republikës Federale të Gjermanisë, Frank-Walter Steinmeier.
“Nder dhe kënaqësi e posaçme vizita sot në kryeministri e Presidentit të Republikës Federale të Gjermanisë, Frank-Walter Steinmeier”, ka shkruar Kryeministri Rama në Facebook.
Në postimin e tij në rrjetet sociale, Kryeministri Rama ka publikuar dhe videon dhe fjalën e tij dhe të Frank-Walter Steinmeier në këtë takim.
Edi Rama: Faleminderit President. Është një kënaqësi e madhe të ju kemi në Shqipëri me delegacionin tuaj shumëngjyrësh që ju shoqëron. Jemi shumë mirënjohës ndaj Gjermanisë për çdo gjë që qeveritë e Gjermnaisë kanë bërë për këtë marrëdhënie që është në nivelin më të mirë. Mbështetja e Gjermanisë në të gjitha frontet ka qenë thelbësore për ne. Jemi shumë falenderues dhe mendojmë se është gjë shumë e mirë të kemi një minstër të jashtëm si president në Gjermani sepse është shumë e dobishme duke e njohur terrenin, njerëzit. Për këtë rajon kemi dhe Proçesin e Berlinit që është riorganizuar, është ripërtërirë dhe falë këtij proçesi kanë ndodhur shumë gjëra të mira për rajonin, ndaj faleminderit sërish.
Gjatë fjalës së tij në takimin me Kryeministrin Rama, Presidentin e Republikës Federale të Gjermanisë, Frank-Walter Steinmeier ka përgëzuar Kryeministrin Rama për arritjen e negociatave për anëtarësim në Bashkimin Europian. Steinmeier ka shtuar se Europa duhet të jetë e hapur për zgjerim drejt Ballkanit Perëndimor.
Frank-Walter Steinmeier : Përgëzime për nisjen e një viti intensiv si kryeministër, nuk më kujtohet se sa herë jemi ulur dhe kemi diskutuar për rrugëtimin e Shqipërisë drejt Europës, por vërtetë përgëzime që keni arritur një gur themel për nisjen e negociatave për anëtarësim dhe kjo është diçka mendoj ju për të cilën jeni mbështetur prej shumë nga anëtarët tuaj të Parlamentit dhe pjesa më e madhe e elitës politikë këtu në Shqipëri dhe shpresoj që kjo do të inkurajojë marrjen e hapave të mëtejshme që do të jenë të nevojshme në rrugëtimin drejt Europës.
Kemi folur për reformat, luftën kundër korrupsionit dhe mendoj se progresi është i nevojshëm, por progresi është i mundur. Përshtypja ime sot në Parlament ishte se jam shpresëplotë që ndihen të inkurajuar nga javët e fundit me hapjen e negociatave dhe progres domethënës në Procesin e Berlint.
Jetojmë në kohë të vështira. Sapo po flisnin dhe diskutonim për pasojat e luftës ruse kundër Ukrainës në ekonomitë tona. Jemi në një situatë ndryshe dhe jam tërësisht i bindur edhe pse kam qenë skepitik në të shkuarën se na duhet të konsiderojmë që Europa jo vetëm duhet të tregojë bashkim dhe vendosmëri, por po kështu duhet të jetë e hapur për zgjerimin e nevojshëm drejt Ballkanit Perëndimor. Jam mjaft optimist. E di që ka një lloj pengese për shkak të pritjes derisa anëtarësimi do të formalizohet. Përshtypja ime është që edhe qeveritë skeptike janë të bindura se ne duhet ta përshpejtojmë procesin dhe kjo është gjë e mirë.
SUBSCRIBE to “RTV KLAN” on YouTube for more videos!
Email: info@tvklan.al
Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow Tvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ]
