Më në fund, pas një muaj hetimesh, vrasja e 20 vjecares Caroline Crouch në Greqi duket se po shkon drejt zbardhjes. Policia greke ka ndaluar bashkëshortin e saj, nën dyshimin se vrasja e britanikes ishte organizuar pikërisht prej tij. Babis Anagnostopoulos u arrestua pikërisht gjatë ceremonisë përkujtimore të organizuar për nënën e re e cila u mbyt në sytë e foshnjes së saj gjatë një grabitjeje në banesën e tyre luksoze në Athinë. Burime policore thanë për TCH se 32 vjecari u shoqërua në polici ku do të japë shpjegime shtesë lidhur me disa momente të ngjarjes që tronditi vendin e tërhoqi vëmendje mediatike në mbarë botën. Anagnastopulos duhet të shpjegojë se kush i hoqi kartat e kamerave të siogurisë që ndodheshin brenda banesës gjatë orëve të krimit pa mbërritur ende policia aty. Analiza e videos tregoi se kamerat e banesës e kanë kryer regjistrimin e fundit rreth orës 01.10 minuta, ndërkohë që sipas vetë deklaratës së tij grabitësit hynë në shtëpi diku nga ora katër e mëngjesit e u larguan rreth orës 05.40. Cfare ndodhi në banesë, kush i pastroi ambjentet e saj prej cdo gjurme janë disa prej pyetjeve që i shtynë hetuesit të dyshojnë edhe për vetë pilotin. Agjentet duan të dijnë prej tij si arriti të kontakonte me telefon persona të familjes së vet në orën kur supozohej të ishte i lidhur prej grabitësve. Ai po kështu duhet të shpjegojë ndryshimet e regjistrimeve që iu bënë pajisjes biometrike që viktima mbante në dorë, cka zhduku të dhënat mbi rrahjes e zemrës së saj duke vështirësuar zbulimin e orës së saktë të vdekjes. Dhe c`është më e rëndësishmja, bashkëshorti i Caroline duhet të japë sqarime mbi kontratën e sigurimeve që viktima kishte lidhur vitin e fundit, ku theksohej se nëse ajo humbiste jetën, familjarët e tjerë përfitonin 1 milionë euro.
Departamenti i Informacionit, më i madhi, më kryesori në Top Channel, i cili shënoi fillimin e televizionit me edicionin e lajmeve në 20 dhjetor 2001. Përmes informacioneve të shpejta, të sakta dhe të thelluara, reportazheve dhe rubrikave të tjera informative, Top Channel është kthyer në burimin kryesor dhe me prestigjioz të informimit të të gjithëve në Shqipëri, në hapësirën mbarëshqiptare dhe kudo tjetër në botë ku shqiptarët jetojnë. Top Channel është i pranishëm me kamerat dhe gazetarët e tij në të gjitha ngjarjet më të rëndësishme të vendit dhe në botë, me edicionet e tij informative.
Për më shumë vizitoni: [ Ссылка ]
Subscribe to "Top Channel" on YouTube Channel for NEWS and TV
Shows HERE: [ Ссылка ]
For more content from click HERE: www.top-channel.tv
Like Top Channel on Facebook HERE: [ Ссылка ]
Follow Top Channel on Instagram HERE: [ Ссылка ]
Follow Top Channel on Twitter HERE: [ Ссылка ]
#CarolineCrouch#Greece#TopChannelNews
