Xaricdə yaşayan narkotacirə narkokuryerlik edən Astara sakini saxlanılıb.

Astara Rayon Polis Şöbəsinin əməkdaşları tərəfindən narkotik vasitə və psixotrop maddələrin satışı ilə məşğul olan şəxslərin aşkar edilərək məsuliyyətə cəlb edilmələri istiqamətində keçirilən növbəti əməliyyat zamanı Astara şəhər sakini, əvvəllər məhkum olunmuş Siyavuş Mirzəyev saxlanılıb. Onun üzərindən külli miqdar çəkidə heroin və metamfetamin, 1 ədəd elektron tərəzi aşkarlanaraq götürülüb. Araşdırma zamanı həmin şəxsin xarici ölkələrdən birinin vətəndaşının göndərdiyi narkotik vasitələrin müxtəlif şəxslərə çatdırılmasını və satışını təşkil etdiyi, eyni zamanda özünün və narkotik vasitələrin qanunsuz dövriyyəsi ilə məşğul olan digər şəxslərin narkotik vasitələrin satışından əldə etdiyi pul vəsaitlərinin xaricdə yaşayan narkotacirə çatdırılmasını təşkil etdiyi məlum olub.

свернуть