غير صحيح نسبة ال رشيد الكرآم أو عبدة بشكل عام لقحطان الحالية ولأسباب عدة ومن أهمها :

١- فترة حكم محمد بن رشيد ( المهّاد ) كان ياخذ الجزية من قحطان وعتيبة ومطير وبقية قبايل نجد ،،

*كان ياخذ الجزية من قحطان ويعطي الشمامره مناصب !!
ومن اهمها حاكم المجمعة وهو : عبدالله بن سيف الشمري وتقدرون تبحثون عنها
ومن أهمها ايضاً حاكم الجوف ( ابن سراح الشمري )
..........

٢- فزعة الجنازة للجربا ضد قبايل المنتفق بالعراق
وهي بعد مقتل مطلق الجربا الشمري على يد سعدون باشا وبعده مقتل بنيّة الجربا غدر مثل ماطيح جساس .. الزير بالحفره

*قرر الجنازة اخذ الثار وغزى على المنتفق ذبح رجاجيلهم وسلب حلالهم ويتم عيالهم ،،، واخذ الجزية على من بقى منهم والجزية تروح للجربا !

————
٣- قصيدة عبدالعزيز بن متعب الرشيد ( الجنازة ) بعد كون الصريف وهي كالتالي👇🏻 :

ياهيه ياراكب المرسون .. سلم على ساهر العيني

لابن صباحٍ وابن سعدون ..وابن سعودٍ وبالخيلي

ذبحتهم والعدو ممهون .. بعيال ( شمر ) على الخيلي

اركض كما شوشة المجنون .. سبحان ربي مسويني

—————
٤- قصيدة الأمير / طلال بن عبدالعزيز بن سعود بن عبدالعزيز الجنازة ... وهو ينخى شمر ( الطنايا ) بالإعتناء بإبنه نواف ويسأل عن أحوال حايل ،،، وانا ماخبر حايل الا ديرة طيء سابقاً واليوم ٩٩٪؜ من اهلها هم ( شمر ) وهي كالتالي 👇🏻:


أنا طلال بن الرشيد ... جيت أنثر حروف القصيد ...
وأجاوب السمراء النشيد ... و شلونكم يا عزوتي

حايل عسى حايل بخير ... دار الكرم قدره كبير ...
في حبها أنا الأسير ... بنت الجبل هي سلوتي

عامين والثالث بدأ ... من غبت عن أرض الهدى ...
وش صار عقبي وش بدا ... على بلادي وأسرتي

عموش و يش أحوالها ؟... النوم ما يهنى لها ...
دمعه يبلل شالها ... لا طالعت في صورتي

ياعزوتي عمري قضى ... ونواف في دربي مضى ...
صغير وبقلبه لضى ... الشور ينفع مهجتي

عاداتكم يأهل السطر ... الحر لا منه شهر ...
ما تتركونه للخطر ... نواف عزه عزتي

ودعت في عشي حرار ... إصغار بالشيمة كبار ...
يبون من عقبي قرار ... بين (((الطنايا))) فزعتي

وأنا طلال الضيغمي ... أمير لكن ادمي ...
أفزع لمن جاء يحتمي ... فيني وتظهر نخوتي

وختامها يأهل الكرم ... من مر طيبة والحرم ...
يدعي لطلال المحترم ... من فضلكم أحبتي



والشواهد كثيرة والوقايع أكثر لكن مابغيت اطول السالفة وهو معروف النسب اصلاً لكن الرد على صغار العقول اللي يكذب الكذبة ويصدقها ،، ونعم بقحطان العريقة 🌹

свернуть