יָדְךָ תַנְחֵנִי אֵל חַי עוֹשַׂי וְתֹאחֲזֵנִי אֶל מִגְרָשַׁי
חִישׁ תֵּן לָנוּ חֵלֶק בְּדָוִד וְגַם נַחֲלָה בְּבֶן יִשָׁי
שְׁעֵה שַׁוְעַת דַּל לִבּוֹ נָמַס מֵעִירוֹ נִבְדַל הָיָה לָמַס
אַנְחָתוֹ גִּדַּל יִצְעַק חָמָס נָם מַדּוּעַ לֹא בָא בֶן יִשָׁי
רַגְלֵי מְבַשֵּׂר חִישׁ אֵל נַעֲרָץ הוּא יַגִּיד פֵּשֶׁר חָזוֹן נִפְרָץ
הַשְׁמֵד עַם אֲשֶׁר לָשׁוֹן יֶחֱרָץ אוֹמֵר מִי דָוִד מִי בֶן יִשָׁי
אֲשֶׁר נָדַרְתָּ מַהֵר שַׁלֵּם תּוֹךְ עִיר בָּחַרְתָּ הִיא עִיר שָׁלֵם
לַשַּׂר קָרָאתָ מֶלֶךְ שָׁלֵם כִּי בּוֹחֵר אַתָּה לְבֶן יִשָׁי
לִדְבִיר חֶמְדָּתִי קוּם הִתְהַלֵּךְ וֶאֱמֹר חָפַצְתִּי לְגָאֳלֵךְ
הִנֵּה מָצָאתִי דָּוִד מֶלֶךְ הִנֵּה רָאִיתִי בֵּן לְיִשָׁי
לָךְ צוּר מוֹשִׁיעִי אוֹחִיל יוֹם יוֹם כִּי לְקוֹל שַׁוְּעִי תָּחִישׁ פִדְיוֹם
תָּצִיץ צִיץ יִשְׁעִי, סִנְסַן אָיֹם יָצָא חֹטֶר מִגֶּזַע יִשָׁי
