Қансонарда қан қыздыратын ұлттық өнеріміз тәуелсіздік алған жылдан бері қазақ елінде қайта жаңғырып, дәстүрлі даму үстінде. Қарағанды облысында өткен халықаралық құсбегілер сайысына қатысушылар қатары осыны аңғартады. «Рухани жаңғыру» бағдарламасы аясында өткен дүбірлі додада еліміздің барлық өңірінен және Қырғызстан мен Моңғолиядан жиналған 80-ге жуық бүркітші бағын сынады. «Ұлы дала мұрасы» деп аталатын игі шара Сәкен Сейфуллиннің 125 жылдығына орай ұйымдастырылған.
