Ադրբեջանական ստորաբաժանումները երեկոյան անկանոն կրակ են բացել Տավուշի մարզի հայ-ադրբեջանական սահմանի ուղղությամբ: Պաշտպանության նախարարությունը հայտնում է, որ Հայկական զինուժի պատասխան գործողություններով թշնամու կրակը լռեցվել է։ Այդ ընթացքում Ռուստամ Մուրադովի միջնորդությամբ, հատուկ չվերթով Երևան բերվեց ավագ լեյտենանտ Տարոն Ջիվանի Սահակյանի մարմինը: Մինչև հիմա ստույգ պարզ չէ, երեքշաբթի տեղի ունեցած ռազմական գործողությունների հետևանքով հայկական կողմից քանի զինծառայող է զոհվել:
