Maduka mawili ya bidhaa za vyombo na mikate yameteketea kwa moto usiku wa kuamkia Januari 8, 2025, katika maeneo ya Chanika, wilayani Handeni, mkoani Tanga. Wananchi wameeleza masikitiko yao kuhusu kushindwa kwa Jeshi la Zimamoto na Uokoaji kuwasaidia.
Moto huo ulioanza saa 8 usiku, chanzo chake hakijulikani, na hakuna kitu kilichookolewa. Pastory Shayo, mfanyabiashara wa eneo hilo, amesema juhudi za wananchi kusaidia kuzima moto zilizuia hasara kubwa zaidi, lakini alikosoa ukosefu wa msaada wa gari la zimamoto.
Rajabu Bakari, mfanyabiashara mwingine, ametoa wito kwa serikali kuhakikisha Handeni inapata gari la kuzimamoto, akisisitiza kuwa tatizo hili ni la muda mrefu licha ya wananchi kulipa kodi.
Mkuu wa Jeshi la Zimamoto na Uokoaji Handeni, Mkaguzi Ramadhani Matipwili, amekiri changamoto ya ubovu wa gari la kuzimamoto na kusema serikali inalifanyia kazi.
Hii si mara ya kwanza; Machi 8, 2024, maduka matatu yaliteketea kwa moto eneo la Kivesa, huku watu mawili yakipoteza kila kitu kutokana na ukosefu wa nguvu kazi ya kuzimamoto.
Video na Rajabu Athumani

свернуть