Солтүстік Қазақстан облысында тасқын қаупі әлі сейілмей тұр. Есіл өзені тағы арнасынан асып, тұрғындардың берекесін қашырды.

Топан су Қызылжар ауданының 6 елді мекеніне қауіп төндірді. Қазір Төтенше жағдайлар қызметінің жеке құрамы сол елді мекендерге жөнелтілді. Қазір өңірде 231 үй су астында болса, Сергеев және Петропавл су тораптарындағы су деңгейі біршама төмендеген.

Асхат Ержанов, облыстық ТЖД жедел штабының жетекшісі:

- Күні кеше Қызылжар ауданында тағы 7 үйді су басып қалды. Дәлірек айтсақ, Барнёвка және Большая малышка селоларында 2 және Соколовка елді мекенінде 3 үйге су кірді. Қазір топан су Долматово селосына қауіп төндірді.

свернуть