Վահան Թումասյանը տեսանյութ է ներկայացրել ֆեյսբուքյան իր էջում ու գրել է․
Այսօր անչափ կարևոր օր էր Շիրակի մարզի սահմանային Բագրավան գյուղի համար:
Հայ Առաքելական եկեղեցու Շիրակի թեմի առաջնորդ Գերաշնորհ Տ. Միքայել արքեպիսկոպոս Աջապահյանի ձեռամբ բացվեց և օծվեց մատուռը: 90-ամյա բացակայությունից հետո գյուղն այլևս մի սրբավայր ունի, ուր կլինեն Սուրբ մկրտություններ, պսակադրություններ...
Շնորհակալ եմ մեր Սրբազանին, իմ լավ բարեկամ և մեծ հայ Հերմանին, Բագրավանի երիտասարդներին: Մատուռում է նաև տեղադրված գյուղի բնակիչների կողմից տրամադրված սուրբ 3 խաչքարեր՝ Անիի 10-րդ, 13-րդ դարերի և գյուղի 1930-ականներին հիմնահատակ քանդված եկեղեցու պատից մնացած փոքրիկ 19-րդ դարի խաչքար: Շնորհակալ եմ հարյուրավոր հյուրերին, որ այսօր իմ ամենամեծ երազանքներից մեկը իրականություն դարձրեցին:
