Pensionistët nuk mbyllen në shtëpi. Dërgimi i pensionit në banesë nuk i ka bindur.
“Kam ardhur të marr paratë”, shpreh një nga pensionistët.
Të patrembur nga shtimi i rasteve ata thyen karantinën. Në qytetin e Peshkopisë radha në zyrën e marrjes së pensioneve ishte e njëjtë me një ditë normale.
Asnjëri prej tyre nuk mbante maskë, dorezë, ndërsa distanca nuk u respektua nga asnjëri prej tyre. Thirrjeve të shumta të policisë nuk i janë bindur. Duke detyruar efektivët të ndërhyjnë për shpërndarjen e tyre.
Të moshurit në Vlorë dalin pa leje, e kjo për një asrye.
“Dalim pa leje. Ne nuk po na japin paratë, çfarë do të na marri”, thotë një i moshuar.
"Gruaja më ka vdekur, djali më ka vdekur, kush do të mi marrë ilaçet”, tregon një tjetër i moshuar.
Ndërgjegjësimi i qytetarëve në Kukës, për t'u mbrojtur nga koronavisuri, po zbehet gjithnjë e më shumë. Lëvizjet në qytet të këmbësorëve dhe automjeteve gjatë paradites ishin të shumta. Në rrugë nuk munguan as pensionistët.
E njëjta situatë ishte edhe në qytetin e Beratit./abcnews.al
