SARIMSAĞIN FAYDALARI
Sarımsaq Ürəyə və Qaraciyərə çox faydalıdır
Sarımsaq qədim zamanlardan faydaları ilə tanınan qidalardan biridir.Xalq arasında təbii antibiotik kimi tanınan sarımsağın müsbət təsirləri saymaqla bitmir .Sarımsaq antibakterial xüsusiyyətləri sayəsində orqanizmi infeksiyalara qarşı qoruyur. Sarımsaq xüsusilə qışda soyuqdəymənin qarşısını almaq və xəstəlikləri müalicə etməkdə çox təsirlidir. İnsanlar qış aylarında sarımsağı sanki soyuqdəymə dərmanı içirmiş kimi udduğu görünür. Bu, sarımsağın keçmişdən bu günə qədər xəstəliklərə qarşı qoruyucu kimi qəbul edildiyinin göstəricisidir.
Ürək əzələsini qüvvətləndirir, vurma gücünü artırır
– Qanda şəkərin miqdarını normallaşdırır və qan dövranını nizamlayır
– Qanı durulaşdırır
– Qan təzyiqini aşağı salır.
-Dəridə olan yaraları sürətlə sağaldır
-Yuxarı tənəffüs yollarının bütün xəstəliklərində, kəskin və xroniki bronxitdə istifadə olunur
– Bağırsaqda baş verən qəbizlik, ishal və ürəkbulanmalarda faydalıdır
– Vərəm xəstəliyində faydalıdır
– Qaraciyərin aktivliyini artırır, ödqovucudur, ödün tərkibini durulaşdırır
– Qanı toksin və mikroblardan təmizləyir
– Çox güclü əsəb sakitləşdiricidir
– İştahanı artırır
– Yuxunu dərinləşdirir
– Bağırsaqda zərərli bakteriyaları öldürür parazitlik edən bütün qurdları məhv edir
– Dərinin ziyil və çiban kimi xəstəliklərinin qarşısını alır
– Böyrəkləri çalışdırır, sidikqovucudur, daş əmələgəlmənin qarşısını alır
– Boğazgəlmələrdə (angina) və faringitdə faydalıdır
– Zobun müalicəsində istifadə olunur
Sarımsaqla müalicə effektlərindən biri hər gün 1 ədəd sarımsaq udmaqdır.
Hər gün 1 ədəd sarımsaq udmaq insana yüksək enerji verəcək və gün boyu gümrahlıq qazandıracaq.
Sarımsaq udmaq ağciyər və bronxların açılmasında faydalıdır.
Qəbizlik problemi olanlar üçün hər gün gecə yatmazdan əvvəl bir diş sarımsaq udmaq tövsiyə edilir. Bu sayədə bağırsaqlarda olan parazitlərin və qurdların yox olması təmin edilir.
Əgər qulağınızda, qulaq ətraflarında, hətta üzünüzdə güclü ağrılar varsa 1 diş sarımsağı həmin qulağın içinə qoyun, yarım saat gözləyin və götürün, dərini qıcıqlandırmadıqda daha çox saxlayın. Bunu gündə bir dəfə edin, ağrılarınız keçəcəkdir.
Gün ərzində 1 stəkan sarımsaqlı qatıq içməkdə çox faydalıdır. 1 diş sarımsağı sarımsağəzənlə əzin, 1 stəkan qatığa əlavə edin, qarışdırın, 1 saat saxlayın, sonra için.
Sarımsağın zərərləri
Faydaları ilə yanaşı, sarımsağın zərərləri də var. Həddən artıq sarımsaq istifadə etmək mədədə problemlərin yaranmasına səbəb ola bilər. Xüsusilə, mədəsində qastrit olan insanlar sarımsaq yeyərkən diqqətli olmalıdır. Sarımsaq yeyərkən ürək bulanması, qarın ağrısı, bədəndə qızarıqlıq və qaşıntı kimi problemlər ortaya çıxarsa, bu, sarımsağın əks təsirinin göstəriciləridir.
#sarimsaq #zob #bogaz

свернуть