Болашақтың жарығы - баламалы қуатта. Күллі әлемде энергия тапшылығы байқалып отырғаны белгілі. Осы ретте Ақмола облысы алдағы екі жылда тұтынатын электр энергиясының тең жартысын жаңартылған қуат көздерінен өндіруге көшпек. Әсіресе Көкшетаудың іргесінде жаңадан салынған жел электр станциясы баламалы қуат көзін көптеп өндіруге көшкен. Қазір аймақта осындай қуат көздерінен өндірілетін электр энергиясының үлесі 34 пайызға жетті.
Көкшетаудағы жел электр станциясының құрылысы 2018 жылдың екінші жартысында басталған. Инвестициялық жобаны қолдау аясында әкімдік 40 гектар жер телімін бөлген. Ал, баламалы энергетиканы өндіретін станциялардың қызметкерлерін оқыту және қондырғыларды монтаждау жұмыстарымен неміс мамандары айналысқан.
НҰРЛАН КӘРІМОВ, Көкшетау қаласы әкімдігі кәсіпкерлік бөлімінің басшысы:
– Жел электр станциясы қараша айында пайдалануға берілген. Бұл аумақта қуаты 750 киллоВат болатын 12 жел генераторы орнатылған. Инвестициялық жобаның жалпы құны 3,5 миллиард теңге.
Электр станциясы даниялық NEG Micon компаниясының 12 жаңартылған жел генераторларынан тұрады. Жел күшінен қуат алатын қондырғылардың әрқайсысы сағатына 750 киллоВат электр жарығын өндіре алады. Қазірдің өзінде Красный Яр елдімекенінің тұрғындары бірегей жобаның игілігін көре бастады.
МЕДЕТ ӘШІРБАЕВ, «ВИЧИ» кәсіпорнының техник-электригі
– Осы жолы екінші кезең аясында 7 башня іске қосылды. Яғни салынды, тұрғызылды. Қазір барлығы 10 башня жұмыс жасап тұр. 10 башня үш мыңға жуық тұрғын үйді электр энергиясымен қамтамасыз етіп отыр.
Ал, келер жылы мердігерлер осы төңірекке әрқайсысына 1,5 МВт-тан 11 жаңа станция орнатуды көздеп отыр. Барлық жел электр станциясы мен күн батареясы инвесторлардың қаражатымен орнатылады.
БІРЖАН ӘБДІРАХМАНОВ, Ақмола облыстық энергетика және ТҮКШ басқармасы басшысының орынбасары:
– Аймақта баламалы энергетиканы дамыту бағдарламасы аясында 8 жоба жүзеге асты. Бұдан бөлек, тағы 4 жоба жүзеге асырылып жатыр. Оған 120 миллиард теңгеге жуық қаражат тартылмақшы.
Ал 2022-23 жылдары Аршалы ауданында қуаты 150 МВт болатын жел электр станциясының құрылысы қолға алынбақ. Соның арқасында Ақмола облысы электр энергиясының 50 пайызын жаңартылған қуат көздерінен өндіруге көшпек.
Бізді әлеуметтік желіде оқыңыздар:
Youtube -[ Ссылка ]
Facebook - [ Ссылка ]
Instagram - [ Ссылка ]
Vkontakte - [ Ссылка ]
TikTok - www.tiktok.com/@informburo31
WhatsApp Информбюро +7 777 331 31 31
