Lajme Arkiva - TV Klan 2004

Gazetarja: Si vendosi Banka Amerikane e Shqipërisë, që të kalojë kufirin shqiptar për në Greqi?

Drejtori i BASH: “Misioni i Bankës Amerikane të Shqipërisë është që t’i shërbej shqiptarëve si individë, apo si biznese, prandaj ishte një hap i natyrshëm për ne që të ndiqnim komunitetin e madh të shqiptarëve që është në Greqi. Ndërsa bisedoja me ambasadorin e Shqipërisë në Greqi, mësova prej tij, se rreth 570 mijë emigrantë punojnë dhe jetojnë me leje të rregullta qëndrimi në Greqi dhe se afro 200 mijë të tjerë po regjistrohen për të marrë dokumentacionin e nevojshëm. Pra po flasim për rreth 800 mijë klientë të mundshëm për bankën tonë, por unë mendoj, se i rëndësishëm është edhe fakti se afro 92% e biznesit ndërkombëtar të Shqipërisë, bëhet me Greqinë dhe Italinë”.

Gazetarja: Çfarë shërbimesh do t’i ofroni shqiptarëve që jetojnë në Greqi?

Drejtori i BASH: “Shërbimet që banka i afron aktualisht dhe këtu, si shërbimet tregtare, import-eksportet, letër krediti, garancitë, kreditë, depozitat, llogaritë e kursimit, por po mendojmë të aplikojmë dhe shërbime të veçanta, si llogaritë futura etj. Ne kemi tashmë një gamë të gjerë produktesh për të ofruar. Këto produkte kanë rezultuar popullore këtu, pse të mos jenë të tilla dhe në Greqi?”

Gazetarja: Si mendoni të zgjidhni çështjet e konkurrencës me bankat greke?

Drejtori i BASH: “Ne nuk po shkojmë në Greqi për të konkurruar bankat e tjera, por për t’i shërbyer komunitetit të shqiptarëve. Para se të nisnim projektin e Bankës Amerikane në Shqipëri, ne kemi pyetur shumë njërës, si shoqëri, apo shoqatat e shqiptarëve, ambasadorin shqiptar atje dhe menjëherë ne morëm sinjalin e qartë se do të ishim të mirëpritur në Athinë”.

Gazetarja: Mund të na shpjegoni më konkretisht, në detaje, si mund të përdoret kjo kartë?

Drejtori i BASH: “Nëse shqiptarët rezident në Athinë kanë një llogari me ne, mund të përdorin këtë kartë dhe me të mund të tërheqin paratë në Shqipëri”./tvklan.al


SUBSCRIBE to “RTV KLAN” on YouTube for more videos!

Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow Tvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ]

свернуть