Oktyabrın 15-i şəhid Samir fərzəliyev Ağdam rayonu Quzanlı qəsəbəsində böyük izdihamla yad olundu. İlk öncə Şəhidin yaşadığı evdən şəhidlər xiyabanına yürüş təşkil olundu.
Şəhidlər xiyabanında şəhidin məzarı başında təşkil olunan tədbirə qatılanlar arasında Ağdam icra hakimiyyətinin nümayəndələri, şəhidin ailə üzvləri yaxınları, şəhid ailələri, qazilər, 18 saylı məktəbin pedoqoji heyyəti, şagirdləri, Ağdam rayon sakinləri və ölkənin müxtəlif bölgələrindən gələn şəhid ailələri iştirak edirdilər.
Daha sonra aparıcı Qorxmaz Həsrətli şəhidin döyüş yolundan bəhs etdi. Və gələcək nəslin vətənpərvərlik ruhunda böyüməli olduğunu, məktəblərdə şəhidlərimizin xatirəsini daima uca tutulmalı olduğunu və onların döyüş yolundan şagirdlərə bəhs edilməli olduğunu vurğuladı. Qorxmaz Həsrətli indi Xankəndində atıb tutanların, Azərbaycana hədə qorxu gələnlərin hal hazırda Bakıda cəza çəkdilkərini, Azərbaycan prezidentinin Xankəndiyə yaralı yerimiz Xocalıya və eyni zamanda digər ərazilərimizə bayraq sancmasından qürurla bəhs etdi. Və azad olunan torpaqlara görə Samir Fərzəliyevə və bütün şəhidlərimizə borclu olduğumuzu bildirdi
Daha sonra söz Ağdam rayon icra hakimiyyəti başçısının müavini Xəqani Nəzərova verildi. Xəqani Nəzərov şəhid ailələrinin daima icra başçısının diqqətində olduğunu və baş sağlığı diləklərini çatdırdı.
Başçının müavini Prezident ali baş komandan İlham Əliyevdən söz açaraq nəyin nəzaman edilməli oldğunu prezidentimizin yaxşı bildiyini qeyd etdi. Və Sentyabrda baş tutan 23 saat 43 dəqiqəlik lokal tipli antiterror əməliyyatında Azərbaycan ordusunun məhz qısa zaman kəsiyində torpaqlarımızı erməni separatçı ünsürlərdən təmizlənməsindən və onların necə tərksilah edilməsindən bəhs etdi. Daha sonra tədbirdə Şəhid Samir Fərzəliyevi yad etmək üçün şəhidlər xiyabanına gələn hər kəsə təşəkkürünü bildirdi və onların əziz xatirəsi daima hər kəsin diqqətində olduğunu qeyd etdi.
Sonra 18 saylı məktəbin şagirdləri şeirlə çıxış etdilər
Tədbirdə rayonun Axundu şəhidin ruhuna dualar oxudu.
Tədbir daha sora şəhidin yaşadığı evdə qurulan mağarda ehsan süfrəsi arxasında davam etdi
