ՔՈ ՁԱՅՆԸ [ Ссылка ]
Փաստաբաններն ընդդեմ վճռաբեկ դատարանի: Հունիսի 10-ին եւ 11-ին մի խումբ փաստաբաններ չեն մասնակցելու դատական նիստերի եւ դատավարական այլ գործողությունների: Գործադուլի նպատակը, ըստ փաստաբանների, իշխանությունների եւ քաղաքացիական հասարակության ուշադրությունը հրավիրելն է վճռաբեկ դատարանի անընդունելի գործելակերպի վրա: Դատարանները գտնվում են կախյալ վիճակում եւ չեն կատարում օրենքով սահմանված իրենց լիազորությունները: Վճռաբեկ դատարանի կայացրած որոշումները շատ հաճախ միակողմանի են լինում, ինչն էլ իր հերթին հանգեցնում է համակարգի նկատմամբ անվստահության մակարդակի բարձրացման` նշել է ՀՀ փաստաբանների պալատի անդամ, փաստաբան Անի Թորոսյանը: Իսկ իրավապաշտպան Ռուբեն Մարտիրոսյանի գնահատմամբ` իրենք իրականացնելու են գործադուլ ընդդեմ արդարադատության համակարգում տեղի ունեցող գործընթացների:
