Серыя "Беларуская народная творчасць"
Балады. Том І.
Нумар 95
Зап. Н.М. Маркава ў 1974 годзе ў вёсцы Канатоп Нараўлянскага раёна Гомельскай вобласці ад Г.Д. Кавальчук, 1902 г.н.
- Ой, сакол, сакол, высока лятаў,
Ой, высока лятаў, ой, што ж ты відаў?
- Ой, відаў, відаў зялёна жыта,
А ў тым жыце казака ўбіта.
Убіта, ўбіта - не схаронена.
Ай, парасла трава скрозь раберачка.
Парасла трава скрозь раберачка,
Ой, абкіпела кроў кругом сэрданька.
Ой, прыляцела да тры пташачкі,
Ой, тры пташачкі - родны сёструшкі.
Адна пташачка села ў ножанькі,
Друга пташачка - у галованькі.
Друга пташачка - у галованькі,
Ай, трэця пташачка - каля сэрданька.
Ой, у ножачках - то сястра яго,
У галованькі - то мамка яго.
У галованькі - то мамка яго,
Ой, каля сэрданька - жана малада.
Дзе мамка плача, там рэчка цячэ,
Ай, дзе сястра плача, там Дунай цячэ.
Дзе сястра плача, там Дунай цячэ,
Ой, жана малада, там суха зямля.
Суха зямля пакалолася,
Малада жана павянчалася.
Чакайце новыя песні тры разы на тыдзень - панядзелак, серада і пятніца.
Яшчэ больш песен у телеграм канале: [ Ссылка ]
