ပြည်ထောင်စုသမ္မတမြန်မာနိုင်ငံတော်
အမျိုးသားညီညွတ်ရေးအစိုးရ
ကာကွယ်ရေးဝန်ကြီးဌာန
mod@nugmyanmar.org

သတင်းထုတ်ပြန်ချက်
ကာကွယ်ရေးဝန်ကြီး၊ ဆက်သွယ်ရေး၊ သတင်းအချက်အလက်နှင့် နည်းပညာဝန်ကြီးတို့နှင့် Federal Wings အဖွဲ့သားများ တွေ့ဆုံဆွေးနွေးခဲ့
၂၀၂၃ ခုနှစ်၊ မေလ (၁၁) ရက်နေ့
၁။ ကာကွယ်ရေးဝန်ကြီးဌာန ပြည်ထောင်စုဝန်ကြီး ဦးရည်မွန်နှင့် ဆက်သွယ်ရေး၊ သတင်း အချက်အလက်နှင့် နည်းပညာဝန်ကြီးဌာန ပြည်ထောင်စုဝန်ကြီး ဦးထင်လင်းအောင်နှင့် Federal Wings ကော်မတီတို့၏ ၆၊ ဧပြီလ၊ ၂၀၂၃ ရက်စွဲဖြင့် အစည်းအဝေး ကျင်းပပြီးစီးခဲ့ပါသည်။
၂။ အဆိုပါအစည်းအဝေးတွင် အကြမ်းဖက်စစ်အာဏရှင်အား အမြစ်ပြတ်ချေမှုန်းရန် အတွက် တော်လှန်ရေးလုပ်ငန်းများအား ယခုထက်ပိုမို၍ ထိရောက်စွာဆောင်ရွက်နိုင်ရန် အဓိကထား ဆွေးနွေးခဲ့ကြပြီး မိဘပြည်သူများသိရှိစေရန်အတွက် အောက်ဖော်ပြပါ သတင်းအချက်အလက် များအား ထုတ်ပြန်ကြေညာအပ်ပါသည်။
၃။ Federal Wings ကော်မတီ အနေဖြင့် Federal Wings ၏ နည်းပညာဆိုင်ရာလုပ်ငန်းများ၊ Research & Development လုပ်ငန်းများ၊ ရန်ပုံငွေရရှိရေးလုပ်ငန်းများ၊ ပစ္စည်းရွေးချယ်ဝယ်ယူခြင်း လုပ်ငန်းများအား မူလအတိုင်း ဆက်သွယ်ရေး၊ သတင်းအချက်အလက်နှင့် နည်းပညာဝန်ကြီးဌာနနှင့် ချိတ်တွဲ၍ ဆောင်ရွက်သွားမည်။
၄။ Federal Wings ၏ မြေပြင်တိုက်ခိုက်ရေး Drone အဖွဲ့ဝင်များမှ အင်အားအချို့အား ထုတ်နုတ် စုစည်း၍ ကာကွယ်ရေးဝန်ကြီးဌာန၏ အမှတ် (၁၈၀၁) ဒရုန်းတပ်ဖွဲ့ အဖြစ် ဖွဲ့စည်းကာ ကွပ်ကဲမှု အဆင့်ဆင့်ခံယူမည်။
၅။ ကာကွယ်ရေးဝန်ကြီးဌာန အနေဖြင့် Federal Wings ၏ တိုက်ခိုက်ရေး Drone များ ထုတ်လုပ် တပ်ဆင်ရေးလုပ်ငန်းများအတွက် လိုအပ်သည့် ဘဏ္ဍာငွေအား လုပ်ငန်းစီမံကိန်းများအလိုက် ဖြည့်တင်းနိုင်ရန်အတွက် အားဖြည့်ကူညီသွားမည်။
၆။ ဘဏ္ဍာရန်ပုံငွေသုံးစွဲမှုများအား စနစ်တကျရှိစေရန်အတွက် Federal Wings ကော်မတီ၊ ဘဏ္ဍာရေးအဖွဲ့နှင့် ကာကွယ်ရေးဝန်ကြီးဌာနမှ ဘဏ္ဍာရေးတာဝန်ရှိသူများမှ ပူးပေါင်းဆောင်ရွက် သွားမည်။
၇။ ကာကွယ်ရေးဝန်ကြီးဌာနနှင့်သက်ဆိုင်ရာ မဟာမိတ်တိုင်းရင်းသားတော်လှန်ရေးအဖွဲ့များ၏ Chain of Commands ဖြင့် Federal Wings သည် စစ်ဆင်ရေးများတွင် ပါဝင်တိုက်ခိုက်၍ အကြမ်းဖက်စစ်အာဏာရှင်အား အမြစ်ပြတ်ချေမှုန်းသွားမည်။

ကာကွယ်ရေးဝန်ကြီးဌာန
အမျိုးသားညီညွတ်ရေးအစိုးရ


#MOD
#MOCIT
#NUG
#SpringRevolution

свернуть