NATO është e gatshme të ndërhyjë nëse situata në veri të Kosovës do të përshkallëzohet gjatë hyrjes në fuqi të vendimit të Prishtinës për zbatimin e reciprocitetit mbi targat dhe dokumentet e identifikimit. Këtë e bëri të ditur kreu i Natos Jens Stoltenberg pas takimeve që zhvilloi ndarazi me kryeministrin e Kosovës, Albin Kurti dhe presidentin e Serbisë Aleksandër Vuçiç në Bruksel, ku dhe u bëri thirrje palëve që të ulin tensionet.

“Ne kemi dëshmuar që ne mund rrisim patrullimet në veri dhe të rrisim numrin e pjesëtarëve. NATO vazhdon të monitorojë nga afër situatën në terren dhe misioni ynë paqeruajtës i KFOR-it mbetet i fokusuar në mandatin e OKB-së. Nëse rrezikohet stabiliteti, KFOR është i gatshëm të ndërhyjë dhe do marrim çdo masë për të siguruar një mjedis të sigurtë dhe të qetë”.

Kryeministri i Kosovës Albin Kurti bëri të qartë se Kosova e ka detyrim zbatimin e marrëveshjeve të arritura, ndërsa akuzoi edhe njëherë Rusinë se kërkon tëdestabilizojë Ballkanin nëpërmjet Serbisë.

“Institucionet dhe qytetarët e Kosovës në situatën aktuale kanë arsye të jenë vigjilentë ndaj qasjes destruktive të fqinjit tonë verior ndaj Kosovës dhe rajonit në përgjithësi nën agjendën e dëmshme të Rusisë për Evropën dhe Ballkanin.

Presidenti Serb Aleksandër Vuçiç mohoi akuzat se forcat serbe kanë kaluar vijën Administrative në Kosovë dhe u shpreh se vendi i tij do të vijojë të respektojë ligjin ndërkombëtar.

“Ushtria serbe, Forcat e Armatosura dhe policia jonë nuk e kanë kaluar vijën administrative në asnjë moment. Serbia do të vijojë të respektojë ligjin ndërkombëtar, së bashku me Rezolutën e Kombeve të Bashkuara, Marrëveshjen e Brukselit dhe gjithçka tjetër”.

Kryeministri Albin Kurti dhe Presidenti Aleksander Vuçiç do të takohen nesër në Bruksel me ndërmjetësimin e Bashkimit Europian për të diskutuar mbi çështjen që palët kanë ende të hapura mes tyre, përfshi këtu edhe reciprocitetin.

Tv Klan

SUBSCRIBE to “RTV KLAN” on YouTube for more videos!

Email: info@tvklan.al

Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow Tvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ]

свернуть