Уæлдæр ахуырад райсын æмæ рæстдзинадыл тох кæнын. Ахæм бæллиццтæ ис 17-аздзыд чызг Хъуппеты Викториямæ. Раргом сæ кодтам Цæгат Ирыстоны сæргълæууæг Битарты Вячеславæн дæр. Республикæйы сæргълæууæгимæ фембæлыны курдиат чызг арвыста «Елка желаний», зæгъæгæ, æппæтуæрæсеон акцийы фæлгæты. Хицауады хæдзары уазæгыл зæрдиагæй сæмбæлдысты. Битарты Вячеславимæ фембæлд чызгæн рауад цымыдисаг. Хъуппеты Викторияйы хъысмæт республикæйы бирæтæ зонынц. 2014-æм азы хæдзары кæрты йæ хæдтулгæ скъуырдта. Йæхи дзæбæх кодта Мæскуыйы.19 операцийы ын скодтой. Ныридæгæн 17-аздзыд чызг ахуыр кæны 11-æм къласы Беслæны фæссауонмæ ахуырады центры. Йе`нтыстдзинæдты тыххæй йæ хъуамæ схорзæхджын кæной сыгъзæрин майданæй. Фембæлды архайдта республикæйы хицауады сæрдары хæдивæг Азымты Иринæ æмæ федералон хæрзаудæн проект «Мечтай со мной»-ы регионалон разамонæг Байцаты Нинæ. Битарты Вячеслав бабар кодта, цæмæй чызгæн ахуыры æппæт хъæугæ æххуыс бакæной.
_
Мы рядом в:
vk.com/irystontv
instagram.com/irystontv
youtube.com/irystontv
twitter.com/irystontv
ok.ru/irystontv
