لا كتبتك بالرصاص بدفتر إحساسي ومحيتك
أرجع أدور بقايا .. إسمك بمحايتي
وما أحس إني نسيت ولا أحس إني قريتك 
قد ما أحس إني مدري منك وش هي غايتي
 
خايف أتمنى لقاك وما ألاقيني لقيتك
عند حسن الظن وأبلش وقتها في منيتي
وإن نويت أجفاك قلي كيف أبضمن لاجفيتك
ما يرجعني شعوري  بالندم عني نيتي

تدري ليه إن قلت أببعد عنك ألقى نفسي جيتك
لأنك بكل إتجاهات الصدود مرايتي
ياللي كل أشباه وجهي تحكي عنك لاطريتك
وأنت ماعمري على وجهك قريت حكايتي
 
إبتديتك من عرفتك وأشعر إني ما أنتهيتك
واللي ما بين البداية والنهاية دنيتي
أكتبك فيها برصاص  وكل ما تخطي محيتك
وتنكر سطوري غلاك وتعترف محايتي

 كلمات: فيصل السديري
 ألحان: سهم
 تاريخ: 2015

свернуть