ՀՀ կրթության և գիտության նախարարության ուսուցիչների վերապատրաստման ծրագրին մասնակցող սփյուռքահայ ուսուցիչները հյուրընկալվել էին Մայր Աթոռում: Հայոց հայրապետի հետ հանդիպման ընթացքում Երևանի պետական մանկավարժական համալսարանի ռեկտոր պրոֆ. Ռուբեն Միրզախանյանը ներկայացրեց ծրագրին մասնակցող 16 երկրներից ժամանած ուսուցիչներին: Արդեն 18-րդ անգամ Հայաստանում ուսուցիչների վերապատրաստման ծրագիրը միավորում է աշխարհի հայկական գաղթօջախներում հայապահպանման առաքելություն իրականացնողներին և հնարավորություն տալիս միմյանց հետ կիսելու փորձառությունը:
