1. Սպառնալիքների նոր տարափ Բաքվից: «Զանգեզուրի միջանցքը» պետք է բացվի և կբացվի։ Թող հայերը չխանգարեն մեզ։ Նրանք չպետք է որպես աշխարհագրական խոչընդոտ ու պատնեշ հանդիսանան Թուրքիայի և Ադրբեջանի միջև», նշել է Ադրբեջանի նախագահ Իլհամ Ալիևը` Հայաստանն անվանելով «ֆաշիստական» պետություն:
2. Հայաստանի վարչապետ Նիկոլ Փաշինյանն արտգործնախարարին հանձնարարել է գույքագրել Արտգործնախարարությունում առկա բանակցային թղթերը, և փաթեթի հնարավոր հրապարակումը Հայաստանի պետական անվտանգության շահերի դիտանկյունից քննարկելուց և գնահատելուց հետո որոշում կայացնել` այն հրապարակել/չհրապարակելու մասին։
3. Անկախ Հայաստանի պատմության մեջ առաջին անգամ երկրի գլխավոր բանտապետը կին կլինի։ Վարչապետ Փաշինյանը հայտնել է, որ Արդարադատության նախարարության Քրեակատարողական ծառայության պետ կնշանակվի Ծովինար Թադևոսյանը։ Նա 32 տարեկան է, մինչ այժմ զբաղեցնում էր Քրեակատարողական ծառայության Սոցիալական, հոգեբանական և իրավական աշխատանքների բաժնի պետի պաշտոնը։
4. ԱՄՆ ընտրված նախագահ Դոնալդ Թրամփն իր հիացմունքն է արտահայտել Թուրքիայի նախագահ Ռեջեփ Թայիփ Էրդողանի նկատմամբ՝ նրան անվանելով ընկեր։ «Նախագահ Էրդողանն իմ ընկերն է: Նա մեկն է, ով ինձ դուր է գալիս, ում ես հարգում եմ: Կարծում եմ՝ նա էլ է ինձ հարգում», նշել է Թրամփը։
#1inAM #1inTV #siranuyshpapyan
Tel: +374 55305088, +374 77520467, +374 99577211
