Fehmi Kupina i Lidhjes Demokratike të Kosovës është kryetari i ri i Kuvendit Komunal të Prishtinës. Kupina u zgjodh në raundin e tretë të votimit, pasi në dy raundet e para nuk arriti që të marrë shumicën e nevojshme të votave. Pro tij votuan 25 këshilltarë nga 42 që ishin në sallë.
Në dy votimet e para, Kupina nuk arriti të marrë mbështetjen e duhur, ndërsa përfaqësuesit e Aleancës për Ardhmërinë e Kosovës të Ramush Haradinajt dhe Aleanca Kosova e Re e Behgjet Pacollit braktisën seancën, pasi nuk u pajtuan me propozimin e LDK-së.
Pavarësisht kësaj, Lidhja Demokratike e Kosovës duket se është pranë një marrëveshje bashkëpunimi në Prishtinë me Partinë Demokratike.
Kryetari i komunës së Prishtinës, Përparim Rama, bëri të ditur se i ka ftuar të gjitha partitë për të bashkëqeverisur në Prishtinë, ndërsa sa i përket bashkëpunimit me PDK-në nënvizoi se bisedimet janë në proces.
Kuvendi Komunal kishte afat deri më 6 Janar për të zgjedhur kryetarin e ri, pasi në të kundër Prishtina rrezikonte të shkonte në zgjedhje të parakohshme për asamblenë.
Tv Klan
#kosove #pdk #ldk
SUBSCRIBE to “RTV KLAN” on YouTube for more videos!
Email: info@tvklan.al
Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow Tvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ]
