Украина президентіне іздеу жарияланды. Сондай-ақ, бейбіт тұрғындарды жаппай өлтіру фактісі бойынша қызметінен шеттетілген Виктор Януковичтің үстінен бірден бірнеше бап бойынша қылмыстық іс қозғалған. Күні кеше бірқатар украиндық ақпарат құралдары Виктор Януковичтың Қырымда ұсталғаны туралы хабарлаған болатын. Алайда, бүгін Украинаның Ішкі істер министрлігі бұл ақпаратты жоққа шығарды.

Қашудан басқа амалы қалмаған Януковичтің қайда екені әлі белгісіз. 22-ақпан күні кешкісін ол Киевтегі резиденциясын тастап, тікұшақпен ұшып кеткен. Оған бейнебақылау камерасына түсіп қалған мына көрініс дәлел. Алайда, Украина шекарашылары экс-президенттің ел аумағынан ұшып шығуына мүмкіндік бермеген соң, ол мұздай қаруланған бір топ адаммен бірге көлікке отырып, Донецк әуежайынан кетіп қалған. Ал, ақпарат құралдары мен әлеуметтік желілерде Виктор Януковичтің Қырымда жасырынғаны, Ресейге, Беларуссияға, тіпті мен БАӘ қашып кеткені туралы сыбыс тараған. Алайда, Парсы шығанағындағы елдердің билігі бұл сыбысты жоққа шығарды. Тағы бір нұсқа бойынша Янукович Украина территориясында орналасқан арнайы бункерлердің бірінде болуы мүмкін. Ал, бұл жоғалған экс-президенттің демалыс күні берген ең соңғы сұхбаты.

Мен өзіме жүктелген конституциялық міндеттерді орындадым. Сондықтан парламент шығарған шешімдердің барлығы заңға қайшы. Мен отсвавкаға кетпеймін.

Қазір Киевте сәл тыныштық орнағанмен, толқулар әлі басылған жоқ. Ал, мыңдаған адам Киев түбіндегі президент резиденциясын басып алған. Януковичтің тұрмысын тамашалауға кейбірі тіпті бала-шағасын ертіп келіп, зәулім сарайдың саябағында серуендеді.

Ал, Өңірлер партиясы фракциясының төрағасы Александр Ефремов қаржылық қолдау болмаса, Украина дағдарысқа ұшырауы мүмкін деді. Сондай-ақ, қазынаның тоналуы мен 82 бейбіт тұрғынның қазасына байланысты Янукович пен оның айналасындағылардың үстінен қылмыстық іс қозғалғанын ресми түрде мәлімдеді.

2004 жылғы Конституцияны қайтарып, 80 заңды жарамсыз санаған Рада Украинаның жаңа президентін сайлауды 25-ші мамырға белгілеген.

Мақсат Толықбай.

свернуть