Национ телеуынынад «Осетия-Ирыстон»-ы уацхæссæг Колыты Кристинæ систа Горæтгæрон районы барадхъахъхъæнæджы куысты тыххæй документалон киноныв. Сфæлдыстадон къорд лæмбынæг базонгæ Донгæронмæ цæстдарæг пъæлицæйаг Хъыргъаты Аркадийы архайдимæ. Киноныв фæцыд Мидхъуыддæгты министрады кусджыты зæрдæмæ дæр.
Цалдæр боны удуæлдай куысты æрмæджытæм лæмбынæг æркæсын, монтаж, видеойы фæскадры фæдзурын. Афтæ фæзынд документалон киноныв «Ваш участковый». Сæйраг хъуыды раргом кæнын тыххæй автор алы лыстæг хъуыддагмæ дæр каст лæмбынæг. Не мкусæг Колыты Кристинæйæн ай йæ фыццаг куыст нæу. Фæлæ дзы у уæлдай сæрыстыр æмæ хуымæтæджы нæ. Кинонывы фæдыл ын республикæйы мидхъуыддæгты министрад ракодта арфæйы ныхæстæ, схорзæхджын æй кодта кады гæххæттæй дæр.
Кинонывы сæйраг хъайтар-Горæтгæрон районы участокмæ цæстдарæг пъæлицæйаг Хъыргъаты Аркадий. Сфæлдыстадон къорды сæйраг хæс уыд участковыйы куыст цæуыл æнцайы, уый хуыздæр банкъарын. Аркадий нæ журналистты цæстуарзонæй базонгæ кодта йæ бæрны цы район ис, уыимæ. Куыд зæгъы, афтæмæй, ацы куысты сæйрагдæр у адæмы хиуыл баууæндын кæнын уыимæ семæ æнгомæй æмгуыст кæнын.
Дыууын минутмæ пъæлиæцæйаджы куысты тыххæй бæлвырдæй æрдзурын æнцон нæу. Кристинæйæн уый æнтыстджынæй бантыст. Фæнысан кæнын хъæуы уый дæр æмæ кинонывыл бакуыстой егъау профилактикон акци «Ваш участковый»-ы фæлгæты. Бакæсæн та йæм ис нæ телеканалы сæрмагонд сайты.
_________________________
Мы рядом в:
vk.com/irystontv
ok.ru/irystontv
youtube.com/irystontv
zen.yandex.ru/irystontv
t.me/irystontv
