Интернет алаяқтың құрбаны болған Алматы облысы азаматтарына 10 миллион теңгеден аса қаржы қайтарылды. Бүгінде интернет арқылы арбау өршіп тұр. Құрыққа ілінетін халықтың да қарасы азаяр емес. Полиция қызметкерлері мұндай оқиғалардың алдын алу үшін "Anti-fraud" шарасын жүргізді. Жыл басынан бері дәл осындай 5 жедел профилактикалық шара өткізілген. Мақсат: халықтың құқықтық, қаржылық сауаттылығын арттырып, кибер қылмысқа қарсы иммунитет қалыптастыру. Бүгінде Алматы облысында интернет алаяқтықтың 819 фактісі тіркелген. 110 іс бойынша тексеру аяқталып, 83-і сотқа жолданған.
