Павлодар облысында 2032-ші жылға дейін 2 миллион шаршы метр баспана салу жоспарда. Ал Оңтүстік Қазақстан облысында аграрлық өндіріс көлемін ұлғайту көзделіп отыр.

Оған қоса ауызсумен қамту жайы жақсара түспек. Бұл туралы аймақ басшыларының халыққа есеп беру кездесулерінде айтылды.

Ертіс өңіріне әкім боп тағайындалғанына екі жылдан асқан Қанат Бозымбаев өндірісті өлкені жаңаша өркендетпек. Сол мақсатта облысты дамытудың бас жоспары қабылданып, алдағы жылдары тұрғын үй құрылысы қарқын алады.

Халық алдында есеп берген облыс әкімі 2032-ші жылға дейін аймақта 2 миллион шаршы метр баспана салынатынын жеткізді.

Биылдың өзінде 10 көпқабатты үйге тұрғындар қоныстануы тиіс. Әлеуметтік сала да назарда.

Қанат Бозымбаев, Павлодар облысының әкімі

-Бюджет қаражаттары есебінен бірқатар әлеуметтік сала объектілерінің құрылысы аяқталды. 2500 орынға арналған 5 мектеп салынды, оның ішінде 4-і ауылдық жерде. Үстіміздегі жылы Екібастұз қаласында қазақ тілінде білім беретін 1200 орындық мектептің құрылысы аяқталады.

свернуть