الكلمات:
الحمد لله للأبد
بالحزن ولا بالسعد
رافع سماه بلا عمد
مغدق علينا بالنعيم
ثم الصلاة على النبي
محمد الحر الأبي
الهاشمي اليعربي
بعداد ما هبّ النسيم
نويت في بدع القصيد
وامجاد ربعي أستعيد
يا هاجسي هات الجديد
ما لي ترى غيرك نديم
أنا لشعبان انتمي
فيهم أباهي واحتمي
هم محزمي هم محزمي
لا جا نهار(ن) مستضيم
البوشعبان اهل الكرم
أهل الشجاعة والحزم
دخيلهم ما ينظلم
ما يلحقه هم(ن) وضيم
هم خير من جار وحما
لو يرخصوله بالدما
ربعي نجوم(ن) بالسما
تنوّر الليل البهيم
عفادلة مثل الفهود
شجعان من دور الجدود
نطاحة صفوف الجنود
عدوهم نسله يتيم
والولدة ليوث الوغىٰ
على الذي جار وبغىٰ
فرسان تكسر من طغىٰ
تلقنه درس(ن) أليم
والسبخة لربعي ذخر
حصن(ن) حصين(ن) من صخر
سلايل سبيع الفخر
كرام من أصل(ن) كريم
والبومحمد عزنا
والبوعلي هم فخرنا
وعساف والله مجدنا
بين القبايل مستديم
ربعي هل السيف الشطير
اللي تجير المستجير
سلايل عبيد الأمير
ذاك الزعيم ابن الزعيم
وشيوخنا درع(ن) متين
آل الهويدي الغانمين
والناصر المتزعمين
وعيال سوعان الحكيم
ومهيدي من فعله نشوش
القرم ذبّاح الكبوش
يليق مثله بالعروش
بابه مشرّع بالنظيم
يا راعي الحدبا سلمت
من العذاريب وكرمت
لقدرنا يا كم حشمت
ما يبغضك كود اللئيم
والمدح بالناس الكرام
ما يستشك الا اللئام
ولّا الأكارم والحشام
تكرم عن القول الذميم
#يوسف_العبيدي
