“Gələcəyə Baxış: diplomatiya, biznes, ticarət, investisiya” mövzusunda keçirilən konfransda əsas diqqət Cənub Qaz Dəhlizi və enerji məsələlərinə yönəlsə də, ABŞ və Azərbaycan arasında iqtisadiyyatın digər sahələrində əməkdaşlıq da müzakirə olunub. Konfransda iqtisadiyyat nazirinin müavini Sahib Məmmədov, İqtisadi İslahatların Təhlili və Kommunikasiya Mərkəzinin rəhbəri Vüsal Qasımlı amerikalı iş adamlarına ölkəmizin biznes potensialı barədə məlumat veriblər. Vüsal Qasımlı xüsusilə son illər həyata keçirilən islahatların ölkə iqtisadiyyatını xarici investorlar üçün daha cəlbedici etdiyini bildirib.
