Өңірде ақтөбеліктерге қызмет көрсететін 500-ге жуық мәдени нысан бар. Биыл соның онына күрделі жөндеу жүргізілді. Жыл басынан бері 23 217 мәдени шара ұйымдастырылған. Оған 2 жарым миллион көрермен қатысты. Келесі жылы 462 млн теңгеге 5 мәдениет үйі күрделі жөндеуден өтеді. Өңірде ақтөбеліктерге қызмет көрсететін 500-ге жуық мәдени нысан бар. Оның 236-сы кітапхана, 197 клубтық мекеме, 19 музей, 2-уі театр, филармония және тағы басқа мекемелер. Биыл соның онына күрделі жөндеу жүргізілді. Жыл басынан бері 23 217 мәдени шара ұйымдастырылған. Соның бірі "Baqytty bala-2022" ашық балалар вокалдық фестиваль-байқауы. Оған әлемнің 8 елінен 10-16 жас аралығындағы дарындар сынға түскен болатын. Биыл ашылғанына бір жыл толған «Ер Едіге» жыр мектебі қаламыздың төрт жерінде 40-тан астам баланы ақысыз түрде жыршылыққа баулып келеді. Сондай-ақ осы жазда «Текемет арт» жастар еркін платформасы құрылды. Жоба көрермен мен театр арасындағы шекараны бұзу негізінде құрылған. Жастар еркін платформасының жетекшілері қоғамдық, отбасылық мәселелерді спектакль арқылы ашық көрсетуді көздейді. Биыл Қобда ауданындағы Ақырап селолық мәдениет үйі, Мұғалжар ауданындағы Жұрын селосының мәдениет үйі күрделі жөндеуден өтті. Алдағы жылы 462 млн теңгеге тағы 5 мәдениет үйі күрделі жөндеуден өтеді.
Сайт телеканала [ Ссылка ]
Twitter [ Ссылка ]
Вконтакте [ Ссылка ]
