Albin Kurti nuk e sheh të nevojshëm një takim kokë më kokë me Edi Ramën në Prishtinë për të folur për mbledhjen e Procesit të Berlinit që zhvillohet në Tetor në Tiranë.
Teksa Rama nis turin e tij ballkanik, ai deklaroi se Ramën dhe qeverinë e tij e pret vetëm për t’u mbledhur dhe firmosur marrëveshjet që kishin parashikuar t’i përmbyllnin në mbledhjen e Gjakovës në 14 Qershor.
“Miqësisht i kam kërkuar Kryeministrit Rama që nëse do të vijë e do të qëndrojë 2 ditë e një natë në Prishtinë që ta mbajmë edhe mbledhjen e 2 qeverive e cila u anulua pa arsyeshëm. Nuk lëngon raporti Kosovë-Shqipëri, por edhe demokracia, paqja e siguria në Ballkan pse nuk takohen Kryeministri i Kosovës me atë të Shqipërisë”, u shpreh Kryeministri Albin Kurti.
Siç duket, Kurti nuk e ka harruar anulimin e mbledhjes së 14 Qershorit në Gjakovë nga Kryeministri Rama. Por deklarata e tij, nuk do të ndikojë në axhenden e kreut të qeverisë shqiptare, i cili thotë se të enjten do të jetë patjetër në Prishtinë.
“Përsa i përket vajtjes nesër në Prishtinë dhe gjithë turit, do të flas kur të jetë koha për të folur që është nesër në Prishtinë”, u shpreh Rama.
Por duket se refuzimi është personal i Kurtit, pasi dy krerët më të lartë shtetërorë të Kosovës, Presidentja Vjosa Osmani dhe kryeparlamentari Glauk Konjufca kanë parashikuar takime të veçanta me kryeministrin Rama.
Tv Klan ka mësuar axhendat e dy drejtuesve të lartë të Kosovës, ku janw përcaktuar edhe takimet me kryeministrin e Shqipërisë.
Kështu, takimi me Presidenten Osmani do të mbahet në Presidencë në orën 16:00 dhe fillimi i tij do jetë i hapur edhe për mediat.
Prishtina është një nga 5 kryeqytet e Ballkanit Perëndimor që Kryeministri shqiptar do të vizitojë në harkun e 48 orëve duke nisur nga Shkupi e për të përfunduar në Beograd.
Rama ka deklaruar se e po ndërmerr këtë tur për të diskutuar me liderët e vendeve të rajonit për rëndësinë që ka fokusimi i bashkëpunimit rajonal përmes strukturës që dikton Procesi i Berlinit, pasi vetë ka lajmëruar përfundimin e misionit të Ballkanit të Hapur.
Tv Klan
#albinkurti #edirama #vjosaosmani
SUBSCRIBE to “RTV KLAN” on YouTube for more videos!
Email: info@tvklan.al
Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow Tvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ]
