Елімізде орақ науқаны қызу жүріп жатыр.

Соңғы ақпарат бойынша қырдағы бидайдың 15 млн тоннаға жуығы қамбаға құйылды. Орташа өнімділікке келсек, 12,6 центнерден түсіп жатыр. Астықты аймақтарға тоқталсақ, Қостанай өңірі көш басында. Сары алтынның 3,8 млн тоннасын жинаған. Ақмола облысы – 3 жарым миллион, Теріскей – 3,3 миллион тонна астық орып алған. Күзгі дала жұмыстары кезінде 394 млн тоннаға жуық дизель отынын жағу жоспарланған. Ауыл шаруашылығы тауарларын өндірушілер үшін жағармай бағасы нарықтағыдан 6 пайызға төмендетіліп жөнелтілді. Қазақстан бойынша астық сақтайтын 195 кәсіпорын бар. Олардың жалпы сыйымдылығы – 14 жарым млн тонна.

свернуть