كلمات : محمد سفلة
الحان : محمد النصري
تنفيذ موسيقي : ايهاب حداد
اداء: لينا قاسم


افتكرتك صَدر حاني …قلبو يتقطع عشاني
إيد بتتحسس رقادي …أُم بتتفقد مكَاني
ما بتسيبني اعيش مشرد … ما بتنوم لمن أعاني
كنت داخرك لي زماني …ياملاذي …يا أماني
هَسه شوف كيف حَالي هسع … افتكرتك برضو ترجع

((لما عيني سالو ترجع ..افتكرتك ..افتكرتك لما عيني سالو ترجع
افتكرتك ))
افتكرتك مابتسيبني براي اقاسي …براااي ..براي اقاسي
هسع عارف اني غيرك …تاني ماعندي البواسي
وانو لما تسيبني ترحل …كل حياتي تكون مآسي
افتكرتك قبل اشكي …بالعلي القاك حاسي
هسه بتخاف من فراقي…وديمة في لقياي تطمع

((لما عيني سالو ترجع ..افتكرتك ..افتكرتك لما عيني سالو ترجع
افتكرتك ))
انت واحد الله شاهد … الله شاهد انت واحد
انت واحد يا منايا … انت واحد الله شاهد
النجوم خلقت كتيرة … والقمر في الدنيا واحد
انت واحد يا منايا .. وانت من الروعة أروع

((لما عيني سالو ترجع ..افتكرتك ..افتكرتك لما عيني سالو ترجع
افتكرتك ))
كان تعاند كان تجافي …انت واحد
كان تزيد ألمي الخُرافي …انت واحد
شان بريدك وغصب عني …هاك كمان أقرا اعترافي
شان بريدك ..اريدك وغصب عني …هاك كمان أقرا اعترافي
إعترافي انا … قلبي غيرك مالو منية …
أي دنيا يعيشها غيرك ..ماها دنيا ..
انت أروع ..أغلي منية ..وانت من الروعه أروع

((لما عيني سالو ترجع ..افتكرتك ..افتكرتك لما عيني سالو ترجع ))

كان تعاند كان تجافي …انت واحد
كان تقَنِب …كان تسافر .. انت واحد
انت واحد يا منايا … وإنت ليه عايزني أقنع !
أنا ما حأقنع … ولسه دايرك برضو ترجع

اااه ..اااااآه
انا لسه دآآيرك …دااااايرك
انا ماحأقنع ولسه دايرك برضو ترجع

свернуть