Бүгін Қызылордада да ұстаздардың «тамыз кеңесі» өтті. Жиын кезінде облыс әкімі Нұрлыбек Нәлібаев бірқатар сала мамандарының жетістіктерін ескеріп, оларға марапат үлестірді. Одан бөлек аймақтың білім саласындағы өзекті мәселелер талқыланды.
Облыста тегін техникалық және кәсіби білім беру үшін мемлекеттен 5 мыңға жуық тапсырыс берілген. Сондай-ақ 100 түлек облыс әкімінің грантын иеленді. Тамыз кеңесі кезінде білім саласының бірқатар үздіктері мен ардагерлеріне құрмет көрсетілді. Қатарында облыстық конкурс нәтижесімен "үздік білім ұясы" атанған ауыл мектебіне өңір басшысы 34 миллион теңгенің сертифиатын табыстады.
РУСЛАН СИСЕНОВ, Қызылорда қаласы №262 мектеп директоры:
— Бұл қаржыны біз мектептің техникалық базасын нығайтуға жұмсаймыз. Ұстаздарымыз кәсіби байқауларда бас жүлде иегерлері атанып, мінекей ауданның, облыстың мәртебесін асқақтатты.
Был аймақта жаңадан 6 мектеп пайдалануға беріледі. Оған қоса, алдағы үш жыл ішінде 32 білім ұясының іргетасын қалау жоспарда бар. Бұған дейін Қызылордада оқушылар апатты жағдайда тұрған 4 мектепте білім алып келген еді. Олардың үшеуінің мәселесі биыл толық шешілген.
Бір апта бұрын қалаға оқуға түсуге келген 15 жастағы Арман есімді жасөспірім құдыққа құлап кеткен 2 жастағы сәбиді аман алып шығып, елдің ықыласына бөленген еді. Ұстаздардың «Тамыз кеңесінде» осы ерлігі үшін жеткіншекке облыс әкімі демеушілер есебінен алынған екі бөлмелі пәтерді сыйға тартты.
НҰРЛЫБЕК НӘЛІБАЕВ, Қызылорда облысының әкімі:
— Мемлекет басшысы тарапынан азаматтарымыздың мұндай ерекше батыл қимылдарын елеусіз қалдырмай, өзгелерге үлгі етіп көрсету туралы ұстанымы бар екенін сіздер жақсы білесіздер. Сол ұстаным аясында осы сіздердің алдарыңызда адам жанына араша түскен Арман есімді бүгінгі күніміздің батырына, Арманымыздың ата-анасына + ерекше ризашылығымды білдіремін.
Биыл өңірде білім саласына бөлінген қаржы 204 миллиард 800 миллион теңгеге жетіп, облыс бюджетінің 42,8 пайызын құрады. Бұл былтырғы жылмен салыстырғанда 17 пайызға артық.
.
.
.
.
Бізді әлеуметтік желіде оқыңыздар:
Youtube -[ Ссылка ]
Facebook - [ Ссылка ]
Instagram - [ Ссылка ]
Vkontakte - [ Ссылка ]
TikTok - www.tiktok.com/@informburo31
WhatsApp Информбюро +7 777 331 31 31
#Информбюро #Ақиқатын_Айтайық #ИнформбюроЖаңалықтары #БүгінгіЖаңалықтар #БастыЖаңалықтар
