ألا واشيب عيني يوم قالوا لي فمان الله
وتحققت إنّهم من بعدي لا ماهم مقفّيني

تغايالي خيالِ الموت يومه مدّ لي يمناه
ولدّ بعينه الخرسا عقب ما أقفى يراعيني

نهت وقلت ممّا جال بالصندوق وا عزّاه
سراب اللال باكر يطّرد ما بينه وبيني

حبيبي خذت قلبي
قلبك المحبوب عطْني إيّاه
على شان انستاوى بالمحبة بالموازيني

حلفت بنور عيني لو يطول البعد أنا ما أنساه
أنا وشلون أبنسى اللي من العربان شاريني

وإلى قارنت به غيره خجلت وقلت وا نقصاه
أنا وشلون أقارن كامل الأوصاف بالشيني

تصبّر يا خفوقٍ صار داه اليوم وسط رداه
على رجوى إنّ ربّ العرش يدنيهم ويدنيني

كلمات: عبدالله الفيصل
 ألحان: تراث

свернуть