Live in Padula, 18 dicembre 1987.
Incisa nel 1977.10.01 - Disco Più DP 39011 -- Unò... Duè!

SURDATE di Libero Bovio, Evemero Nardella

'O tenente mm'ha 'ncucciato
cu ll'uocchie 'e chianto e ccu 'a chitarra 'mmano,
e mm' ha ditto accussí: "Napulitano,
ccá nun hê 'a fá 'o tenore: hê 'a fá 'o surdato!"

Ll'aggio ditto accussí: "Signor tenente,
mannáteme 'mprigione, nun fa niente...
Penzo a 'o paese mio ca sta luntano:
e sso' nnapulitano...
e, ssi nun canto, i' moro!"

'O tenente ha suspirato:
"Napule è bbella assaje, Napule è bbella!
Napulita', pur' io so' 'nnammurato,
cántala zittu zitto 'a canzuncella..."

Ll'aggiu ditto accussí: "Signor tenente,
cantáte pure vuje ca nun fa niente...
Penzo a 'o paese mio ca sta luntano:
e so' nnapulitano...
e, ssi nun canto, i' moro!"

Trase e lluce 'a luna d'oro
pe ffá lucente e dd'oro 'a cammarata
Tutt''e cumpagne mieje, dint''a nuttata,
chiagnenno 'nziem' a mme, cantanno a ccoro.

E i' ca dico accussí: "Signor tenente
Jammo a fferní in prigione? Nun fa niente...
Chillo, 'o paese nuosto, sta luntano...
e cchi è nnapulitano,
o canta, o sonna, o more!"

свернуть