Blow Northern Wind, a medieval love lyric and a wonderful suggestion from one of Anna's patreon supporters. See the blog explaining the lyric here: [ Ссылка ]
Buy the new album 'Anchoress' at: [ Ссылка ]
Support: [ Ссылка ]
[ Ссылка ]
Connect: [ Ссылка ]
[ Ссылка ]
[ Ссылка ]
[ Ссылка ]

Blow northerne wynd
Send thou me my suetyng
Blow northerne wynd
Blow blow blow

Ichot a burde in boure bryht
That fully semly is on syht
Menskful maiden of myht
Feir ant fre to fonde
In al this wurliche won
A burde of blod ant of bon
Never yete y nuste non
Lossomore in londe

Heo is dereworthe in day
Graciouse stout and gay
Gentil jolif so the jay
Worthliche when heo waketh
Maiden miriest of mouth
Bi est bi west bi north bi south
There nis fiele ne crouth
That such mirthes maketh

To love that leflich is in londe
I tolde him, as Ich understonde
How this hende hath hent in honde
An herte that myn wes
And hire knightes me han soght
Syking, Sorewyng and Thoght,
Tho three me han in bale broght
Ayain the power of Pees

Love me listened ech word
And begh him to me over bord
And bad me for to hente that hord
Of myn herte hele
‘And bisech that swetee and swote
Er then thou falle as fen of fote
That she with thee wol of bote
Dereworthliche dele

For hire love I carke and care
For hire love I droupne and dare
For hire love my blisse is bare
And al Ich waxe wan
For hire love in slep I slake
For hire love al night ich wake
For hire love mournyng I make
More than any man

свернуть