لايك للفيديو + إشترك معنا
subscribe + Like
فعل الجرس 🛎
ليصلك كل جديد✔️
..
" سنابي "
[ Ссылка ]
ملكات الشلف
للمالك رجل الاعمال :
محمد حسن الصقور الشهراني
كلمات/ احمد الناهسي
وين الطريق الي يوديني رماح
عندي لزوم ومزهبي فيه دره
ما سقت ركبي للمداهيل سواح
وفكري ماهيب ايات حاجة تفره
يا اما هنوف خدها الزين وضاح
تلعب علي بوسع محجر وغره
والا مقام ذرب ورجال وسلاح
وعزواي حره من افواه حره
ودامي لقيت الي له البال ينساح
ماني وانا ابن بوي تباع جره
وعلى نبا حر هقاويه طفاح
اخترت من زين المثل ما يسره
ابن الصقور الي بزغ نجمه ولاح
واشرف على باقي نجوم المجره
يابو حسن يفداك عباد الارباح
والي يلم المال والي يصره
لا شرّف اسم ولا تقدم ولا راح
ياخذ من الدنيا وتاخذه غره
والا انت قسمك فالجمايل والامداح
وما تكسب ايدك تو وجهك تثره
واسمك لربعك في دجاء الليل مصباح
وفعلك لشهران العريضه مبره
شهران ضلع لا تزحزح ولا انزاح
راسه سماء لو الثرى مستقره
ربعك سلاطين عريبين وصحاح
ما خسروا من المجد مثقال ذره
طاحت دول واسم الشهارين ماطاح
متبيّن فالقمة المشمخره
ازحم ولا تاوي لمتهور طاح
وخل الصياهد شعلةٍ مستمره
لا شفت خصم يبجد الارض مجتاح
افرز لعينه شب والكبد حره
انا لهم عن غبت الموت نصاح
ومن لا انتصح خله يلامج مقره
الشوط شوطك حاسمه وانت مرتاح
وربعك على شلفا المجدد مصره
كيّف بني عمك بناموس ووشاح
ونشق هل العيلات صبره ومره
بصفر يميزها طفاح وتطلواح
والوانها مثل العسل وسط جره
من كل نوطاء ما شكت مشط جراح
وفي عطفها ما تنكر الوسم مررره
جرد الرقاب الي مثل علط الارماح
لا خضبت واخذوا هل الخيل كره
سبالها مثل الدلي في ايد مياح
لا ثج ماها كل شق يدره
من الولع كن في مسامعهن صياح
وكنها على الي ما يشوش اتشره
تسمك بروسٍ كن لها ريش وجناح
يمكن لا تقرب للسحاب وتطره
على نظر من نظرته سم ذباح
ما ياخذ اشوار الشوير ويغره
ولا امتس حبل اهل النخب والصبر باح
جو له يبون من المبره مبره
يمشي بجلباب التواضع والاصلاح
ما كنه الي يتقي الخصم شره
