Këto janë momentet tragjike të shembjes së një pallati 7-katësh nga tërmeti me magnitudë 7.8 të shkallës Rihter që tronditën Turqinë Juglindore në orën 4:17 të mëngjesit të sotëm.
Lëkundja që zgjati gati 2 minuta është pjesë e një serie lëkundjesh të fuqishem që e pasuan. E dyta më e fuqishmeme magnitudë 7.5 të shkallës Rihter që u shënua në 11 e 20, shembi ndër të tjerë edhe këtë pallat gjysmë të rrënuan nga tërmeti i parë.
Epiqendrat u regjistruan përreth Gaziantepit. Dëme pati jo vetëm në Turqi por edhe në Siri. Në të dy vendet përllogariten mbi 3600 viktima e rreth 15 mijë të plagosur. Gati 6 mijë ndërtesa u të rrafshuan, më shumë se 5 mijë vetëm në Turqi.
Ekipet e emergjencës janë në luftë me kohën për gjetjen e të mbijetuarve. Situata është vështirësuar gjatë natës pasi temperaturat kanë zbritur disa gradë nën zero, ndërsa reshjet e dëborës kanë nisur me intensitet të lartë.
Ekspertët paralajmërojnë se numri i viktimave mund të kapërcejë 10 mijë, nisur nga shkatërrimet e mëdha që kanë lënë pas lëkundjet e fuqishme. Në Alepo, një foshnje e seksit mashkull lindi nën rrënoja, ndërsa e ëma ndërroi jetë. Ai u shpëtua nga ekipet e emergjencës.
Tërmetët krijuan të çara të mëdha toke, që dallohen qartë në pistën e aeroportit të Hatait, pranë kufirit me Sirinë e po ashtu çarje nëpër rrugë kombëtare, që shkaktuan dhjetëra aksidente.
Presidenti turk Rexhep Taip Erdoan shpalli gjendjen e jashtëzakonshme në zonat e prekura dhe urdhëroi shpalljen e 7 ditëve zi kombëtare në ndërim të viktimave, duke nisur nga kjo e hënë.
Tv Klan
SUBSCRIBE to “RTV KLAN” on YouTube for more videos!
Email: info@tvklan.al
Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow Tvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ]
