Donald Trump Jr po planifikon të vizitojë Grenlandën, dy javë pasi babai i tij përsëriti dëshirën që SHBA të merrte kontrollin e territorit autonom danez. Djali i presidentit të zgjedhur amerikan planifikon të regjistrojë një video, për një podcast, gjatë vizitës private njëditore, raportojnë mediat amerikane. Donald Trump ringjalli polemika në dhjetor kur tha se "pronësia dhe kontrolli i Grenlandës është një domosdoshmëri absolute" për sigurinë kombëtare të SHBA. Ai kishte shprehur më parë një interes për të blerë ishullin Arktik gjatë mandatit të tij të parë si president. Trump u kundërshtua nga udhëheqësit e Groenlandës në të dyja rastet.
"Ne nuk jemi në shitje dhe nuk do të jemi në shitje," tha kryeministri i ishullit, Mute Egede, në dhjetor. “Grenlanda i përket popullit të Grenlandës”. Presidenti i zgjedhur Trump konfirmoi udhëtimin e djalit të tij në platformën e tij të mediave sociale Truth Social të hënën. Ai tha se Don Jr dhe "përfaqësues të tjerë" do të udhëtonin në Grenlandë "për të vizituar disa nga zonat dhe pamjet më të mrekullueshme". Trump shtoi se Grenlanda dhe populli i saj “do të përfitojnë jashtëzakonisht shumë nëse bëhen pjesë e kombit tonë”. "Ne do ta mbrojmë atë territor dhe do ta ruajmë nga një botë shumë e keqe që e rrethon", tha ai. "Bëjeni Grenlandën përsëri të madhe!" Postimi i presidentit të zgjedhur përfshinte gjithashtu një video ku shfaqej një banor i Grenlandës, pa emër, i veshur me një kapelë të kuqe, Make America Great Again, duke i thënë Trumpit të blinte Grenlandën dhe ta çlironte atë nga "kolonizimi" danez.
Grenlanda shtrihet në rrugën më të shkurtër nga Amerika e Veriut në Evropë, cka e bën atë strategjikisht të rëndësishme për SHBA-në. Ajo është gjithashtu shtëpia e një baze të madhe hapësinore amerikane.
Pamje:AFP
Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.
Për më shumë vizitoni: [ Ссылка ]
Subscribe to "Top Channel" on YouTube Channel for NEWS and TV
Shows HERE: [ Ссылка ]
For more content from click HERE: www.top-channel.tv
Like Top Channel on Facebook HERE: [ Ссылка ]
Follow Top Channel on Instagram HERE: [ Ссылка ]
Follow Top Channel on Twitter HERE: [ Ссылка ]
#TopNews#Trump#Grenlandë
