Անվտանգության խորհուրդը տարածած հայտարարության մեջ նշվել է, որ Գորիս-Կապան և Կապան-Ճակատեն ճանապարհների՝ ադրբեջանցիներին անցած հատվածները ԽՍՀՄ տարիների փաստաթղթերով Հայաստանի տարածքում չեն եղել: Այսօր կեսգիշերից ադրբեջանցիները անցակետ են տեղադրել նաև Կապան-Ճակատեն ճանապարհի վրա: Մարդու իրավունքների պաշտպանն ահազանգում է՝ Ճակատենի թշնամական անցակետով խախտվում են Սյունիքի ևս 6 գյուղերի կենսական իրավունքները, քանի որ այդ ճանապարհով գյուղերը կապվում էին Կապանի հետ:
