Սիրիայի հյուսիսի քրդական տարածքներում Թել Աբիադ քաղաքի հայկական եկեղեցին է: Առաջին կադրերն են թուրքերի հարձակումից և Թուրքիայի վերահսկողության տակ անցնելուց հետո: Սուրբ Խաչ եկեղեցին թուրքերն օգտագործում են քրդերի դեմ քարոզչական պատերազմում: Թուրքական իշխանական լրատվամիջոցներն են տարածել տեսանյութ և փորձում են քրդերին մեղադրել հայերին ճնշելու, կրոնական արարողություններն արգելելու մեջ:

Սրանից անմիջապես հետո և նույն վերնագրով ու ձևակերպումներով թուրքական ամենախոշոր ու հայտնի կայքերը, պետական լրատվական գործակալությունը: Ցույց են տալիս, թե եկեղեցու խորանում քրդերի առաջնորդ, Թուրքիայում ցմահ դատապարտված Օջալանի դիմանկարն է: Ամենաուշագրավն այն է, որ Սիրիայի տարածքում Թուրքիայի բանակի գլխավոր աջակից թուրքոման զինյալները, որոնք հիմա վերահսկում են Թել Աբիադը, հայերին կոչ են անում վերադառնալ և խոստանում են, որ թույլ կտան անցկացնել եկեղեցական բոլոր ծեսերը:

Քրդերը արձագանքել են և թուրքերին մեղադրել ապատեղեկատվություն տարածելու մեջ: Քաղաքն իսլամական պետությունից ազտագրելուց հետո եկեղեցին հանձնել են հայերին, մեկ տարի առաջ այն սկսել է գործել: Եկեղեցու մասին հոգ էր տանում Սարգիս անունով մի հայ:

Թուրքական ներխուժումից երեք ամիս առաջ՝ հունիսին քրդական լրատվամիջոցներից մեկը հայ սարգիսի և հայկական եկեղեցու մասին ռեպորտաժ էր պատրաստել, որում երևում է, որ քրդերը հայերի համար խնդիրներ չեն ստեղծում, եկեղեցին գործում է, բանալին էլ Սարգիսի մոտ է: Սուրբ Խաչը կառուցել են Ցեղասպանությունից փրկված և Սիրիայում հաստատված հայերը՝ 1923-ին:

свернуть