8 dekabr 2021-ci il tarixində, Bakı şəhərində, Fairmont Bakı otelində Əmək və Əhalinin Sosial Müdafiəsi Nazirliyi tabeliyində Dövlət Məşğulluq Agentliyi tərəfindən Azərbaycan Karyera İnkişaf Forumu keçirilmişdir. “Gələcəyə hazır ol!” devizi ilə başladılan layihə dəyişən əmək bazarı barədə agahlıq yaratmaq, iştirakçıları gələcəyin vəd etdiyi peşə və bacarıqlarla tanış etmək, əmək bazarının müvafiq tələblərinə cavab verən peşəkar kadrların yetişdirilməsi üçün hadisələri qabaqlamaq məqsədilə təşkil edilmişdir. Ümumilikdə 300 nəfəri əhatə edən forum 1 konfrans və 5 vorkşopdan ibarət olmuşdur. Həmçinin foruma 10 yerli və 3 xarici spiker dəvət olunmuşdur.
