«Ընդդեմ կանանց նկատմամբ բռնության» կոալիցիան այսօր ժամը 17:00 Հայաստանի գլխավոր դատախազության շենքի առջև կազմակերպեց ակցիա ընտանեկան բռնության զոհ դարձած 20-ամյա Զարուհի Պետրոսյանի սպանության գործով դատավարության արդար ընթացք և դատավճիռ կայացնելու պահանջոով:
Կանանց հանդեպ բռնությունը ցանկացած բռնի գործողություն է, որի շարժառիթն իգական սեռին պատկանելու գործոնն է, և որը կանանց ֆիզիկական, սեռական և հոգեկան տառապանք և վնաս է պատճառում կամ կարող է պատճառել: Այն ենթադրում է գործողությունների սպառնալիք, հարկադրանք կամ ազատության սահմանափակում, ինչպես հասարակական, այնպես էլ անձնական կյանքում:
