Në harkun kohor të pak kohëve në dosjet e krimit përveç shumë personazheve të njohur, ka edhe shumë me uniforma policie, po të Forcave të Armatosura, disa prej të cilëve pjesëmarrës edhe në misione paqeruajtëse si në Irak, apo Afganistan. Rasti më i fundit është ai i Kujtim Çelikut, i cili u arrestua për trafik droge në Turqi, së bashku me një oficer të policisë rrugore shqiptare.
Por Çeliku nuk është i vetëm nga radhët e ushtrisë që përfshihet në aktivitete të paligjshme. Nga viti 2011 e deri më tani, janë të paktën 12 ngjarje kriminale, në të cilat janë përfshirë efektivë komando. Dhe nuk bëhet fjalë për krime, që në terminologjinë policore njihet si krime të lehta, por për vrasje, akte terroriste apo trafik ndërkombëtar droge.
Në rastin e të arrestuarit të fundit, Kujtim Çeliku, skeda e tij penale është jo pak e mbushur. Në vitin 2011 Kujtim Çeliku do të grabiste një kambist, të cilit i mori një çantë me 176 unaza floriri.
Ndërsa, më 13 qershor 2013, oficeri i komandove, Aldo Morina do të dënohej me 8 vite burg, pasi vrau të dashurin e nënës së tij, që sipas autorit e dhunonte. Komandot nuk i kanë rezistuar as përfshirjes në luftë si ushtarë të ISIS. 4 komando të Zall Herrit iu bashkuan kësaj lufte në vitin 2014, 2 prej të cilëve mbetën të vrarë, ndërsa 2 u kthyen nga Siria.
Po në vitin 2014, policia arrestoi 3 komando shqiptarë, për prodhim të minave me telekomande. Ndonëse minat u kapën dhe ata pretenduan se nuk kishin arritur të shisnin asnjë, ka dyshime të forta se disa prej këtyre minave janë përdorur në atentate në Shqipëri.
Më 17 Shtator 2014, ish-oficeri i Forcave të Armatosura, Ndriçim Balla, do të dënohej me 35 vite burg për vrasjen e Majlinda Hoxhes dhe plagosjen e Elton Fushës në zonën e ish-Bllokut. Objektiv ishte ky i fundit, që sipas autorit i kishte borxh vellait 200 mijë lekë të vjetëra.
Në sajë të operacionit të koduar “Fast” policia arreston më 15 qershor 2016 Romin Davidhi, 28 vjeç, banues në Durrës, komando i Forcave Detare si dhe Arjan Tabakut, 49 vjeç, banues në Krujë, për trafikim lëndesh narkotike.
Ish-Komandot shqiptare janë përfshirë dhe në akte terroriste në vendin tonë. Konkretisht, para ndeshjes Shqipëri-Izrael në vitin 2016, do të arrestohej Medat Hasani, personi kyç që kishte organizuar atentat terrorist në stadiumin Loro Boriçi.
Më 9 Shkurt 2017 do të grabiteshin 3.2 milionë USD në Qafë-Kashar, ndërsa mes autorëve u arrestuan dhe dy ish-komando, Ditjon Memlika dhe Naim Avdulaj
Një tjetër vrasje në ish-Bllok do të kryhej nga Ish-komando Merviol Bilo, I cili më 4 tetor 2018 do të vriste Fabian Gaxhën pas përplasjes mes dy grupeve të njohura.
Një ish-komando i ushtrisë, që ka shërbyer në Irak dhe Afganistan në vitin 2011 është arrestuar nga zyra Antiterrorit në Policinë e Shtetit më 15 prill të 2019-ës. Erzen Uka është vënë në pranga pas dyshimeve për prirje radikale dhe nxitjen e urrejtjes me qëllim kryerjen e veprave terroriste. Ndërsa më 1 shtator 2020, do të arrestohej komandoja Klodian Beshiri, që plagosi 2 persona me një pistoletë pa leje pranë Zall-Herrit. Më 9 shtattor të vitit 2022, kapet në Angli për trafikim droge ish-Komandoja shqiptar, Anis Plaku, 29 vjeç.
Në fakt këto janë vetëm rastet e dokumentuara me përfshirje të forcave komando në ngjarje kriminale, por ka dyshime se të tjerë forca të trajnuara në ushtrinë shqiptare dhe me misione në vendet e luftës, kanë shërbyer si ushtarë të grupeve kriminale në vendin tonë, për ekzekutimin e rivalëve.



Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.

Për më shumë vizitoni: [ Ссылка ]

Subscribe to "Top Channel" on YouTube Channel for NEWS and TV
Shows HERE: [ Ссылка ]
For more content from click HERE: www.top-channel.tv
Like Top Channel on Facebook HERE: [ Ссылка ]
Follow Top Channel on Instagram HERE: [ Ссылка ]
Follow Top Channel on Twitter HERE: [ Ссылка ]
#TopNews#Komandot#Krimi

свернуть